冤親債主衣包
「冤親債主」即係同你有過緣分、有過恩怨嘅眾生。燒呢款衣包,唔係有人追你還債,比較似靜靜同佢哋講聲對唔住。
每份 HK$638(約 US$82) · 香港執包、寫包及代燒。
交付兩張相：逐單寫包相、化寶前全批合照。睇相片說明同限制。
填衣包單袋入面有乜
- 元寶摺成船形嘅金銀紙。
- 溪錢白色、通常打咗窿。
- 往生錢印住往生咒(一段佛經咒語)嘅紙。叫做「錢」,其實唔係錢。
- 七言咒(圖係示意)一般係印住佛經咒語嘅紙,同其他紙錢一齊燒。
- 四款冥幣(圖係示意)即係「陰司紙」。一般印到似真銀紙,面額好大。
- 摺好咗嘅金銀袋入面嘅金銀紙,已經親手逐隻摺好。
- 男女衣服男衣同女衣都有。因為收嘅唔係某一位,所以唔使揀。
- 古老鞋舊款式嘅紙鞋,一齊預埋。
以上係我哋舖頭實際放入袋嘅嘢,由細妹親口講。唔係全香港統一標準,每間舖放法都唔同。
七言咒、四款冥幣嘅解釋係網上一般講法,唔係細妹講。(資料來源見知識庫)
你要提供乜
- 你個名要寫喺袋面。例如上款(寫畀邊個)「陳大文冤親債主收」,下款(邊個送)「陳大文送」。
- 你嘅新曆出生日期都要寫喺袋面。只記得農曆生日?落單之後 WhatsApp 或者電郵話我哋知,我哋人手幫你換算做新曆。
唔使寫任何先人名。
中文最常見,亦最穩陣。但如果你只有拼音或者英文名,一樣做得到。
價錢同落單
HK$638 (約 US$82)
四款同價,以港幣 (HKD) 收費,美元只係約數。
- 平日確認付款之後,一般三日內燒(過時過節除外)。
- 送出表格唔會即刻扣錢。我哋電郵話你點樣畀錢,你確認付款之後,我哋先開始寫包。唔設退款,但張單可以改期,留返將來燒,要喺落單起 12 個月內燒。
- 如果係我哋寫錯名或者燒錯日子,出相後 7 日內話我哋知,免費重做一份(服務條款第 9 節)。
試做期
試做期內(名額有限),試做單次序倒轉:我哋先寫、先燒,兩張相上咗你嘅追蹤頁,先電郵話你點樣畀錢。名額做完,就改返平時做法。
覆訊息時間:星期一至日 09:00–18:00(香港時間 UTC+8),全年無休
交付相片同證明限制
你畀咗錢,手上乜都收唔到。所以燒完3 個工作天內,我哋交兩張相畀你:
- 寫包相 —— 你個衣包寫好字之後,單獨影一張。袋面寫住你張單嘅編號,相入面睇得到。
- 全批合照 —— 燒之前,當日成批衣包擺埋一齊,喺舖前或者化寶爐(燒衣紙嘅爐)前影。所有封條上嘅字(連訂單編號)都會遮咗。遮字係人手做,有機會漏(見私隱政策第 6 節)。所以呢張相認唔出邊個係你嗰份。佢證明嘅係:當日呢批已經寫好,擺埋一齊準備拎去燒。
